Ղափամա մսով

Բաղադրիչներ

1 թ.գ. աղ

2 ճ.գ. կարագ կամ յուղ

1 ճ.գ. չոր անանուխ

2 կգ. դդում

0.5 կգ. միս

1 բաժակ սիսեռ

1 ճ.գ. պոմիդորի խյուս

1 թ.գ. պղպեղի խյուս

Կիտրոնի հյութ

1 թ.գ. սումախի

---

Պատրաստման եղանակը

Միսը լցնել կաթսայի մեջ, ավելացնել սիսեռ, ջուր եւ տաքացնել: Երբ կիսաեփ լինի ավելացնել պոմիդորի եւ պղպեղի խյուսեր, կիտրոնահյութ, աղ եւ սումախի: 12 րոպե անց ավելացնել խորանարդաձեւ կտրատած դդումը եւ կափարիչը փակ վիճակում թույլ կրակով եփել: Տապակի մեջ յուղը տաքացնել, ավելացնել անանուխն ու անմիջապես լցնել դդմի վրա: Ձավար պատրաստելու համար 3 բաժակ ծեծած ձավարին ավելացնել աղ, ջուր ու փլավ եփել: 3 ճաշի գդալ յուղը տաքացնել, լցնել ձավարի վրա ու խառնել: Հացը խորանարդաձեւ կտրատել, յուղով տապակել, դնել ձավարի վրա: